Анекта е повеќе од медиум - ние сме заедница што секогаш бара „свежа крв“ за да ги збогатиме нашите приказни со нови перспективи.
Од скромните почетоци во нашата „дневна соба“, ние еволуиравме во динамична платформа што поддржува млади новинари и креативци кои сакаат да ја започнат својата кариера во нов мултимедијален медиум.
Ако сте млада личност спремна да учи нови работи, да се нурне во теренски репортажи, поткасти или видео продукција, ние сме тука да ви помогнеме да растете.
Нашата мисија е да ги истакнеме талентите што веруваат во автентичноста, креативноста и заедништвото, без сензационализам и со фокус на вистинските приказни.
Бараме ентузијасти кои се подготвени да се приклучат на нашиот тим како сниматели, новинари, колумнисти, social media менаџери или во други улоги што ќе ја збогатат нашата содржина.
Ние нудиме практични можности за учење преку реални проекти - од теренска работа, до пишување колумни што ќе ги предизвикаат читателите да го „вклучат мозокот“, до управување со нашите канали на социјалните мрежи.
Тимот предводен од Теодора Цветковска обезбедува менторство и поддршка, бидејќи веруваме дека младите гласови се клучни за да ги раскажеме приказните што заслужуваат да бидат слушнати. Ако сте амбициозни, љубопитни и посветени на етичко новинарство, Анекта е местото каде што можете да ја развиете вашата кариера.
Контактирајте нè преку формата на линкот со одговори на следните прашања:
1. Што ве натера да сакате да работите во новинарство и документаристика?
2. Што е најважната работа или проект што сте ја направиле во вашиот живот?
(не мора да е поврзано со новинарството, само раскажете)
Без разлика дали сте на почетокот на патот или имате некое искуство, ние сме отворени за соработки што ќе нѐ инспирираат сите. Вашето приклучување ни помага да растеме, а вие добивате шанса да бидете дел од нешто автентично.
Споделете ја оваа страница со пријатели кои бараат можности - заедно, да ги развиеме талентите што ќе го променат светот на приказните.