Здраво. Овде Теодора — Тоци, Анекта.
По сите години во класично новинарство (Телма, Радио Слободна Европа, СКУП, Нова ТВ), кога ја почнав Анекта пред три години, знаев во што влегувам. Знаев колку е тешко да градиш медиум од нула, сама.
Дојде момент кога си реков: толку беше. Нема смисла веќе да губам живци.
И тогаш се случи Фала многу, пријатно!
Тие куси видеа на Инстаграм и Фејсбук, фидбекот од луѓето, смеењето и реакциите секој ден едноставно ме вратија во живот. Ми покажаа дека има публика што сака сатира, критика и искрена содржина — без филтри и стерилен ТВ-говор.
Затоа сега е следниот чекор: Фала многу, пријатно! станува целосно видео late-night шоу. Влегуваме во студио, со продукција и формат што ќе врти на дигиталните канали.
За ова да застане на здрави нозе, потребна ми е поддршка. Компании, брендови, бизниси од тука или луѓе од дијаспората што сакаат да застанат зад независна содржина — пишете ми. Ако сакате да помогнете веднаш, можете да донирате подолу, колку што можете.
Можеме заедно, нели?